ወደ ሊብሮ ገጽ እንኳን ደህና መጡ !
'>
የኢትዮጵያና የሱዳን ብሔራዊ ቡድን ለአፍሪካ ዋንጫ ማጣሪያ ሱዳን ላይ እየተጫወቱ ነው፡-ኢትዮጵያ 1 ሱዳን 3 አሁን 35ኛ ደቂቃ ላይ ናቸው Arabsat – Ashorooq TV በቀጥጣ እየተላለፈ ነው ማየት ትችላላቹ

ተጨማሪ

መግቢያ ፎርም

Facebook Share

Share on facebook

ቡና ከአልሀሊ 1990

Get the Flash Player To see this player.

ሊብሮ አርዕስት

ወደ ሊብሮ ገጽ እንኳን ደህና መጡ !

ሲ ላይሰንስ ጌዲዮንን ከሰፈር አያመጣም ... ሐምሌ 27 ቀን 2005


ኢንስትራክተር አብርሃም መብራቱ ለአሰልጣኖች የሲ ላይሰንስ ኮርስ ሰጠ፡፡ ባለፈውም አንተነህ እሸቴ ይህንኑ ኮርስ ሀዋሳ ላይ ሰጥቶ ነበር፡፡የፌዴሬሽኑ ሰዎች ለተመራቂዎች ሰርተፍኬት ይሰጣሉ፡፡ ይጨበጨባል፣ግብዣ ይደረጋል አምናየው ይህንን ነው፡፡ ለመጀመሪያ ጊዜ በአፍሪካ ውስጥ አለማቀፍ የስልጠና ኮርስ የት እንደተሰጠ ታውቃላቹ? ይህ ኮርስ የተሰጠው አዲስ አበባ ላይ ነበር፡፡ ጊዜውም 1969 ዓ.ም ነው፡፡ ኮርሱን ያዘጋጀው ፊፋ ሲሆን ስፖንሰሩም ኮካኮላ ነው፡፡ የኮርሱ ስም ‹‹ፉችሮ ኮካኮላ ›› ይባላል፡፡ ያን ጊዜ ለተመራቂዎች ሰርተፍኬት የሰጡት የፊፋ አስተዳደር ሰራተኛ የሆኑት ሴፕ ብላትር(አሁን የፊፋ ፕሬዘዳንት ) ናቸው፡፡ ያረፉትም ግዮን ሆቴል ነበር፡፡ ኮርሱን የሰጡት በዓለም ምርጥ የሚባሉት ሙያተኞች ናቸው፡፡ እያንዳንዱ ሀገር ሁለት ሙያተኛ ለኮርሱ ሲያሳትፍ ኢትዮጵያ ግን 16 አሰልጣኞች ኮርሱን እንዲወስዱ አድርጋለች፡፡ ከዚያን ጊዜ ጀምሮ ‹‹ፉችሮ ኮካኮላ›› ኮርስ ይሰጣ፡፡ ወጪውንም ኮካኮላ ካምፓኒ ነው የሚችለው፡፡ ዓላማውም የአፍሪካ ሙያተኞችን እውቀታቸውን ለማሳደግ ነው፡፡ ከኛ 16 ሰው ወሰደ ከናይጄሪያ 2፡፡ ይህ ኮርስ ከተካሄደ ከ9 ወር በኋላ መብራት ኃይልና የናይጄሪያው ሬንጀርስ ተጋጠሙ የሁለቱም ቡድን አሰልጣኞች ኮርሱ ላይ የነበሩ ናቸው፡፡ ሌጎስ ላይ ሬንጀርስ 5ለ0፣ አዲስ አበባ ላይ ሬንጀርስ 2ለ0 አንድ ላይ 7ለ0 ሬንጀርስ አሸነፈ፡፡ ከዚያ በኋላ ኮርሱን የወሰዱ የኛ አሰልጣኞች በፊፋ እውቅና ተሰጣችው፡፡ ኢንስትራክተር መንግስቱ ወርቁ፣ ኢንስትራክተር ካሳሁን ሹመት አገኙ፡፡ በተለያዩ አፍሪካ ሀገራት ኮርስ ይሰጣሉ፡፡ በናይጄሪያ፣በጋና፣ በአይቮሪኮስት ኮርስ ሰጥተው አድናቆት አገኙ፡፡ ኢንስትራክተር ካሳሁን ናይጄሪያ ኮርስ በሰጠ በ8ተኛ ወሩ ብሔራዊ ቡድኑን ይዞ ናይጄሪያ ሄደ፡፡ በ35ተኛው ደቂቃ ናይጄሪያ ሪጎሬ አገኘ፡፡ የኛ ተጫዋቾች አናስመታም ብለው ተከራከሩ፡፡ ሪጎሬው ግልፅ ነበር የጠለፈው ማንጎ ነው፡፡ ናይጄሪያዎች እንደዚህ አሉ ክርክሩ ሲበረታ በረኛችን ይምታ አሉ፡፡ የሚገርመው 5ለ0 ነበሩ 6ተኛው እንዳይገባ ነበር ክርክሩ፡፡ በረኛው መታና አገባ ጨዋታው 6ለ0 አለቀ፡፡

ይቀጥላል

 

ፌዴሬሽኑ በገደራ -ሐምሌ 27 ቀን 2005

በነገራችን ላይ ዛሬ የኢትዮጵያ እግር ኳስ ፌዴሬሽን ገደረ ሆቴል ለሰራተኞቹ ግብዣ አድርጓል፣ሽልማትም ሰጥቷል፣ደሞዝ ጭማሪም አድርጓል፡፡ በአራት አመት እንዴት አሰባቸው? ባለፉት አመታት ስለ አመራሩ ነበር የምንሰማው አሁን ግን ሰለሰራተኖቹ ታታሪነት እየነገሩን ነው፡፡ ይህን ነገር ከምርጫው ጋር የግናኝ ይሆን? ቅድሚያ መሰጠት ያለበት የትኛው ነው? የሰራተኛው እድገት ጥሩ ነው ግን ቅድሚያ ሊሰጠው የሚገባው የእጩዎች ምዝገባ ነው፡፡ ፌዴሬሽኑ መስከረም 28 ጠቅላላ ጉባኤ ያደርጋል በዚያን ጊዜም የስራ አስኪያጅ ምርጫ ይካሄዳል፡፡ ምርጫ ሲካሄድ እጩ መታወቅ አለበት፡፡ ወይስ እጩ ተብለው የሚቀርቡት የአሁኖቹ አመራሮች ናቸው? እነዚህ አመራሮች የተመረጡት ከ40 በላይ እጩዎች ቀርበው ጠቅላላ ጉባኤ ላይ ግምገማ ተደርጎበት ነው፡፡ ይህ አካሄድ ጡሩ ነው፡፡ ለቀጣዩ ምርጫ በዚሁ መንገድ እንደሚሰራ ነው የተነገረው፡፡ ለቀጣዩ ምርጫ የሚያመቻቸው አሁን ያለው አመራር ነው፡፡ ቀደም ሲል እንደተነገረው የአሁኑ አመራር የስራ ጊዜውን ከመጨረሱ በፊት ሁለት ውር ቀደም ብሎ ለቀጣዩ ምርጫ የእጩ ምዝገባ እንደሚያደርግ ነው፡፡ ነገር ግን ጉባኤው ሊካሄድ እነሆ አንድ ውር እየቀረው አመራሩ እጩዎችን ለመመዝገብ ምንም አይነት ጥሪ አላደረገም፡፡ ፌዴሬሽኑ ጥሪ ባለማድረጉ እጩዎች ምዝገባ አልተካሄድም፡፡ ይህ የሚያሳየው እኛው እንቀጥላለን የሚል አንድምታ ነው፡፡ ባለፈው በተካሄደው ጠቅላላ ጉባኤ ለመጪው ምርጫ አንወዳደርም ብለው ቃል ገብተዋል፡፡ አንወዳደርም ካሉ ለቀጣይ የሚወዳደሩትን እጩዎች እንዲመዘገቡ ጥሩ አያደርጉም? ይህ ግልፅ ነው፡፡ እኔ አንድ የገረመኝ ነገር ሚዲያው ለምንድነው ዝም ያለው፡፡ እጩዎች ተመዝግበው ለምርጫው ውድድር እንደሚቀርቡ ያውቃሉ፡፡ አንድ እጩ ከ5 ክለብና ከአንድ የክልል ፌዴሬሽን የድጋፍ ደብዳቤ ማፃፍ እንዳለበት ያውቃሉ፡፡ ለዚህም የተሰጠውን ጊዜ ያውቃሉ፡፡ በዚህ ጉዳይ ላይ ለምንድነው ዝምታን የመረጡት?

 

6ተኛውን እንዴት እናድርግ??????

 

ከላይ ያደረኩት ጥያቄ ምልክት 6 ነው፡፡ 5ቱም ጊዜ እንዴት እናድርግ ሰል የተጠቀምኩትን ምልክት ለማስታወስ ነው፡፡ የ6ተኛውም ጥያቄ ምልክት አስቀመጥኩ፡፡ በ1986 ዓ.ም እና በ1988 ዓ.ም ጊዮርጊስ ወደ ቱኒዚያ ሲሄድ በፋብሪካው ስር ሆኖ ነው፡፡ ለዝግጅትና ለሌላ ብዙ ወጪ አይደረግላቸውም፡፡ ከዚያ የባሰ ነገር ልንገራቹ፡፡ በ1968 ዓ.ም ጊዮርጊስ ወደ ኬኒያ ሲሄድ ገንዘብ ስለሌለ ሙዳይ የያዙ ሴቶች ስታዲየም ውስጥ ለኢንተርናሽናል ጉዞ ገንዘብ ስለሌለን እርጥባን ጣሉልን እያሉ በሰበሰቡት ገንዘብ ነው የሄዱት፡፡ እዚያም ሄደው ተሸንፈው መጡ፡፡ ከ1991 ዓ.ም በኋለ ክለቡ ህዝባዊ ሆኖ ሼህ መሐመድ አላሙዲን ናቸው የሚረዱት፡፡ የገንዘብ ችግር እንደሌለ የምታውቁት ከክለቡ አልፈው ሴካፋንም ለተወሰነ ዓመታት ስፖንሰር አድርገዋል፡፡ በርጥባንም ሄው በባለሃብትም ተደግፈው ተመሳሳይ ነገር ነው ያሳዩት፡፡ በጊዮርጊስ በኩለት በምንም መልኩ የገንዘብ ችግር ሊነሳ አይችልም፡፡ ጊዮርጊስ 5 ጊዜ ቱኒዚያ ሄዷል፡፡ 19 ዓመት ሆኖታል፡፡ በ19 ዓመት ውስጥ ያለማሸነፉ ሳይሆን ያለመብለጡ አነጋጋሪ ነው፡፡ ጊዮርጊስ 6ተኛውን ጨዋታ የዛሬ 15 ቀን ያደርጋል፡፡ጊዮርጊስ እዛ ሄዶ ዝቅተኛው ጎል የገባበት 2 ነው፡፡ በነገራችን ላይ ትላንትና 2ለ1 ሲሸነፍ አንዱንም ለጊዮርጊስ ያገቡት ቲኒዚያውች ናቸው፡፡ድጋፋቸውን ስለሰጡን ሳናመሰግናቸው አናልፍም፡፡ በዚህ አጋጣሚ አንዳንድ ሰዎች ጊዮርጊስ ተሻሽሏል በ2 ጎል ብቻ ነው የተሸነፋው ይላሉ፡፡ ባፋለው ዓመት የተሸነፈው በ2 ጎል ነው፡፡ ምኑ ላይ ነው መሻሻል የታየው? ዛሬ በአንዳንድ ሚዲያ ላይ ስሰማ በተከላካይ ስህተት ነው የተሸነፈው ብለዋል፡፡ ምንድነው የተከላካይ ስህተት ማለት፡፡ ስህተቱን የፈጠረው እንቅስቃሴው ነው፡፡ እንቅስቃሴውን የፈጠረው ደግሞ አሰልጣኙ ነው፡፡ ተጫዋቹ ተጠያቂ መሆን የለበትም፡፡ ጊዮርጊስ ቱኒዚያ ሄዶ ለሚደርስበት ሽንፈትና ለሚወሰድበት ብልጫ አሰልጣኙ ተጠያቂ ሲሆን አይሰማም፡፡ አይዛክ ተጠያቂ ሆነ ፡፡ ማነው ያሰለፈው፣ ማነው ያሰለጠነው፣ማነው እንቅስቃሴውን የመረጠው የሚለው አይታይም፡፡ በምንም መንገድ የትላንቱ ብቻ ሳይን እስከዛሬ በቱኒዚያ በደረሰብን ሽንፈት አንድም የጊዮርጊስ ተጫዋች ተጠያቂ መሆን የለበትም፡፡መጠየቅ ያለበት አሰልጣኙ ነው፡፡ ያዋጣል ብሎ በመረጠው አጨዋወት ነው ጊዮርጊስ የተበለጠው፡፡ በአንደኛ ደረጃ ተጠያቂ ደግሞ ቦርዱ ነው፡፡ ቦርዱ ቢያንስ ለ10 ዓመታት በላይ ሰርቷል፡፡ ከቱኒዚያ ጋር በምን እንደሚበለጡ ያውቃሉ፡፡ ያንን ለማስተካከል አሰልጣኝ እንጂ አጨዋወት ሲቀይሩ አይታዩም፡፡ አሰልጣኝ ሲያመጡ ምን የተለየ ነገር አለው አይሉም ነጭ መሆኑን ብቻ ነው የሚያዩት፡፡ እሺ አሁን ያለፈው ይብቃ ቦርዱም ሆነ አሰልጣኙ 6ተኛውን ጨዋታ እንዴት ነው የሚያስተካክሉት፡፡ በተጨማሪ ሚዲያው ከ5ቱ ጨዋታ ተነስቶ 6ተኛው እንዴት መሆን እንዳለበት ማወያየት አለባቸው፡፡ ስለ አሰላለፍ፣ ስለ ፎርሜሽን ፣ ስለ ታክቲክ፣ ስለ ተከላካይ ስህተት አይደለም ማወያየት ያለባቸው፡፡ አጠቃላዩን ነገር ነው፡፡ ደጋፊውም የ5ቱን ነገር ተረድቶ ለቀጣይ ነገር ነው መሄድ ያለበት፡፡

 

 

ፈልግ

የጎብኚዎች ቁጥር
mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter

ድምጽ መስጫ

የድረገፁ ይዘት
 

Advertisement