ሰኔ 11 ቀን 2005 ዓ.ም

የኢትዮጵያ እግር ኳስ ፌዴሬሽን ፊፋ በምንያህል ቢጫ የተነሳ ነጥባችንን ሊቀን በመዘጋጀቱ ከ10 ሰዓት ጀምሮ ስብሰባ ተቀምጠዋል፡፡ ጋዜጠኞችም ውሳኔውን ለመስማት በአካባቢው ነበሩ፡፡ 10 ሰዓት ላይ ወደ 4 ውስጥ ለመግባት ወላይታ ዴቻና አማራ ውሃስራ እየተጫዉቱ ነበር፡፡ ወላይታ ዴቻ 2ለ1 አሸንፎ ደጋፊዎቹ እየጨፈሩ ሲሄዱ የስራ አስኪያጅ ኮሚቴ ሰዎች ከስብሰባ አልወጡም፡፡ እንደገናም ሌላ 90 ደቂቃ አልወጡም፡፡ የሚወያዩበት ዝርዝር ጉዳይ ባይታወቅም ምንአልባት ማን ነው ጥፋተኛ፣ ምንድነው ለህዘብ ማሳወቅ ያለብን በሚለው ጉዳይ ላይ እንደሆነ ይታወቃል፡፡ ምናልባት አንድ ሰው ሊቀጡ እንደሚችሉ ይገመታል፡፡ ነገ ወደ 5 ሰዓት ላይ መግለጫ እንደሚሰጡ ተወርቷል፡፡ ምንያህል ቢጫ አይቶ መሰለፉ እንደተነገረ በህዝቡ ስሜት ላይ ውሃ ነው የቸለሱበት፡፡ በትላንትነው ውጤት ባህር ዳር ላይ 2 ሰው ሞቷል 3 ነጥብ ሲቀነስበት ነፍስ ነው የተከፈለበት፡፡ ለመሆኑ ማነው ተጠያቂ? አሰልጣኙ፣ ተጫዋቹ፣ ቡድን መሪው፣ የፅህፈት ቤት ሃላፊው፣ ቴክኒክ ክፍሉ፣ ህዝብ ግኑኝነቱ፡፡ ፌዴሬሽኑ ዘመናዊ አሰራር መከተሉ እየተነገረ ነው፡፡ እነዚህን ጥቃቅን ግን ከፍተኛ ጉዳት የሚያመጡ ነገሮችን ችላ ማለት አነበረበትም፡፡  በዓመት ውስጥ 4 ቡድን መሪ ነው የቀያየሩት፡፡ ቡድን መሪ መቀያየሩ በራሱ መረጃዎችን ይዞ ለማሳወቅ ችግር ይፈጥራል፡፡ ቤንች ላይ የሚቀመጡት አሰልጣኞችና ቡድን መሪ ተሰላፊ ተጫዋቾችን አረጋግጦ ማስገባት ይጠበቅባቸዋል፡፡ ኢትዮጵያ ከሱዳን ለአፍሪካ ዋንጫ ለማለፍ ስትጫወት 3 ተጫዋች ቅያሬ ጨርሰን ጀማል እንደተጎዳ ተጠባባቂ በረኛ ተነስቶ ማሟሟቅ ጀምሮ ነበር፡፡ ተመልካቹ ቅያሬ መጨረሳችንን እየጮኸ  ሲናገር ነበር ወዲያው በረኛውም ቁጭ አለ አዲስ ህንፃ በረኛ ሆነ፡፡ ቤንች ላይ ያሉት 4 ተጫዋች መቀየር እንደማይችል ያውቃሉ፡፡ መዋከብ ሲፈጠር ቀላል ስህተቶች ሊፈጠር ይችላል፡፡ የብሔራዊ ቡድን ስታፍ ተጫዋቾች ከማሰለፋቸው በፊት ያለባቸውን ቢጫ አረጋግጠው ማስገባት ይጠበቅባቸዋል፡፡ አንድ ተጫዋች ሲጎዳ ሀኪሙ ሲፈቅድ ነው እንዲሰለፍ የሚደረገው ምክንያቱም የጤንነቱ ሁኔታ የሚረጋገጠው በሀኪሙ ስለሆነ ነው፡፡ ከዲሲፒሊን ጋር በተያያዘ ተሰላፊ የሆኑትን ተጫዋቾች በቅድሚያ ማጣራት ያስፈልጋል፡፡ ምንያህል ከደቡብ አፍሪካ ጋር ስንጫወት ቢጫ አይቷል፡፡ አዲስ አበባ  ላይ ከቦትስዋና ጋር ስንጫወት ቢጫ አየ፡፡ በቀጣዩ ከቦትሰዋና ጋር ከሀገር ውጪ ሲጫወት ማረፍ ነበረበት፡፡ በዚያ ጨዋታ በመሰለፉ ነው 3 ነጥብ የሚያሰውስደው፡፡ ደቡብ አፍሪካ ላይ ቡድን መሪው አቶ አፍወርቅ አየለ ነው፣ ቦትሰዋና ላይ ቡድን መሪ የነበረው አቶ ብርሃኑ ናቸው፡፡ አቶ አፍወርቅ ከቡድን መሪነታቸው ቢነሱም የስራ አስኪያጅ ኮሚቴ አባል ናቸው፡፡ ቡድን መሪዎቹ የኮሚቴ አባል ስለሆኑ ሲለሚገናኙ መረጃ ለመለዋወጥ ችግር አለ ተብሎ አይገመትም፡፡ በሌላ በኩል እነሱ እንኳን በስራ ብዛት ወይም በሌላ ጉዳይ እነዚህን ነገሮች መከታተል ባይችሉ ለህዝቡ መስጠት አለባቸው፡፡ጊዜው የቴክኖሎጂ ነው፡፡ ፌዴሬሽኑ ዌብሳይት አለው፡፡ የህዝብ ግኑኝነት ቀጥሯል፡፡ የህዝብ ግኑኝነቱ የተሟላ ቢሮ አለው፡፡ እያንዳንዱ ኢንተርናሽናል ጌም አሰላለፉን፣ የጫወታውን ሁኔታ ፣ በጫወታው ከኛም ከባላጋራም የታየውን ቢጫና ቀይ ካርደ ቢያሰፍር የስፖር ቤተሰቡ ዌብሳይቱ ላይ ስለሚያይ እከሌ አንድ ቢጫ ነው፣ ሁለት ቢጫ ነው በቀጣዩ መግባት አይችልም ወይንም አንድ ቢጫ ነው ምገባት ይችላል ብሎ ሊጠቁም ይችላል (በነገራችን ላይ ኢንተርናሽናል ውድድር የሚሳተፉ ክለቦቻችን ህዝብ ግኑኝነቶቻቸው በጫወታው ላይ የታዩትን ካርዶች ማስፈር አለባቸው ምክንያቱም ደጋፊዎቻቸው እንደዚህ አይነት ችግር ሲኖር ሊጠቁሟቸው ይችላሉ)፡፡ ፌዴሬሽናችን ዌብሳይት ቢኖረውም ምንም አይነት መረጃ አያስቀምጥልንም፡፡ ደቡብ አፍሪካ ላይ የተደረገው ጨዋታ በቴሌቪዥን አልታየም ፣ የሄደው አንድ ጋዜጠኛ ነው እሱም ቢሆን ከውድድሩ በፊት ኮበለለ፡፡ ሳላዲን ጎል ማግባቱን ከመስማታችን በስተቀር የስፖርት ቤተሰቡ ስለ ጨዋታው ዝርዝር መረጃውን ባለማግኘቱ፣ ፌዴሬሽኑም ምንም ስላላሳወቀን ምንያህል ቢጫ ማግኘቱን የሚያውቅ ሰው የለም በዚህም የተነሳ ስህተቶች ተፈጥረዋል፡፡ ከቡድኑ ጋር ወደ ውጪ የሚሄዱ ሰዎች ብዙ ነገሮችን ይረሳሉ፡፡ አንዳንድ ጊዜ ብሔራዊ መዝሙር ካሴቱንም ይዘው የማይሄዱ አሉ፡፡ በ1995 ሞሮኮ ላይ ካሴቱ ጠፍቶ ኖታውም ስለሌላቸው የሞሮኮ ማርሽ ባንድ በጃንሆይ ጊዜ የነበረውን መዝሙር ነው ያሰማው፡፡ ተጫዋቾቹ የሞሮኮ የተዘመረ መስሏቸው ዝም አሉ፡፡ በ1985 ታንዛኒያ ላይ በተደረገው የሴካፋ ውድድር ብሔራዊ ቡድናችን የጀርመን ማሊያ ለብሶ የሱዳን ብሔራዊ መዝሙር ሲዘመርለት ማንም ሰው ግድ የነበረው አነበረም፡፡ እንደነኚህ ያሉ መታረም የነበረባቸው ነገሮች አድገው ቢጫውንም የሚቆጣጠር ጠፍቶ ዛሬ ዋጋ አስከፈሉን፡፡ ቦትስዋና ላይ የተመደበቸው ኮሚሽነር ሴት ነች፡፡ እንደሚነገረው ምንያህል አንድ ቢጫ ብቻ ነው ያለበት ብላ  ማረጋገጫ ስለሰጠች ተሰልፏል ነው የሚባለው፡፡ የሴትይዋን አላማ ባናውቅም ልትሸውደን ቢሆንስ? ከሷ ይልቅ የኛ ሰዎች ቢጫ የታየበት ሊስት ቢኖራቸው ከሴትይዋ ምንም አንፈልግም ነበር፡፡ በህጉም ደግሞ አወዳዳሪው በኮሚኒኬ ባያሳውቅም አንድ ተጫዋች ሁለት ቢጫ አይቶ ከተሰለፈና ከታወቀ እንደሚያስቀጣ የኛ ሰዎች ጠንቅቀው ያውቃሉ፡፡ አሁን ለቀጣዩ ጨዋታ ምንድነው የሚደረገው? አንዳንድ ነገሮችን እንይ፡፡ የደቡብ አፍሪካ ቡድን አምታቶ ለማለፍ እየቆመረ ነው፡፡ የሴንትራል አፍሪካን ቡድን ከኛ ጋር ያለውን ጨዋታ ደቡብ አፍሪካ እንዲጫወት እያግባባ ነው፡፡ ይህ ማለት ተጫዋቾቹ ጠንክረው እንዲጫወቱ በፋይናንስ ይደግፋል ካሸነፉም ሽልማት ይሰጣል፣ ዳኛም ሊይዝ ይችላል፡፡ የደቡብ አፍሪካ እግር ኳስ ፌዴሬሽን ጨዋታ በማጭበርበር ክስ ማስጠንቀቂይ እንደተሰጠው በዜና ማሰራጫም እየተነገረ ነበር፡፡ ለዓለም ዋንጫ ለማለፍ በዚህ ጨዋታ እጁን ማስገባቱ አይቀርም፡፡ የኛ ፌዴሬሽን በደቡብ አፍሪካ የዲፕሎማሲ ስራ በመስራት ከአደጋ በመከላከለው በነሱ ላይ ጫና መፍጠር ይጠበቅበታል፡፡ ከአንድ ሳምንት በፊት የተወራ ወሬ ነበር፡፡ የሴንትራል አፍሪካን ቡድን ለማጠናከር ከኮንጎና ከቶጎ ተጫዋቾችን በማምጣት ዜግነታቸውን ቀይረው እንዲጫወቱ ደቡብ አፍሪካ ገንዘብ እንዲከፍ ካፍ ህጋዊነቱን እንዲያፀድቅላቸው ሲያመቻቹ እደነበረም ይታወቃል፡፡ ይህ ነገር አጣርቶ የኛ ፌሬሽን አንድ ነገር ማድረግ አለበት፡፡ በትላንትናው ጨዋታ ለዶፕንግ የሽንት ምርመራ ተደርጓል፡፡ ይህን ቀን ለምን መረጡት? ከዚህ በተጨማሪ የኢትዮጵያ ቡድን ባሸነፈ በ1 ሰዓት ባልሞላ ጊዜ ውስጥ የምንያህል ቅጣት ፊፋ በዌብሳይቱ ለቀቀ? መረጃውንም ቀድመው ያሰራጩት የደቡብ አፍሪካ ሚዲያዎች ናቸው፡፡  የደቡብ አፍሪካ ቡድን ሀገሩ ሲገባ ደጋፊዎቹ አቀባበል አድርገውለታል፡፡ አቀባበሉን በሁለት መንግድ እንየው፡፡ አንደኛው ያኛን ቡድን በጫወታ ስለበለጡ፣ ሁለተኛው ለቀጣዩ ጨዋታ የተሻለ ተስፋ እንዳላቸው ለማመላከት ይሆን? ይህን ካሰቡ አንድ የሰሩት ሴራ አለ ማለት ነው፡፡ የኛን ፌዴሬሽን ቢሮ መሰብሰብ ሳይሆን ወጣ ብሎ እነሱን ማጨናነቅ ያስፈልጋል፡፡ ምክንያቱም በዚህ አካሄዳቸው በዙ ነገር ለመስራት ያሰቡ ይመስላል፡፡ለነገሩ ካፍና ቻንን የማይለዩ ሰዎች እንዴት ስንት ቢጫ እንደሚያሳርፍ ያውቃሉ ?

ቡድናችን ዛሬ አሸነፈ፡፡ ማሸነፉ እንዳለ ሆኖ ሜዳ ላይ የተሻለ ነገር ማሳየት አልቻለም፡፡ አንድ ቡድን በማሸነፉና በመሸነፉ ሳይሆን ተስፋ ሰጪነቱ የሚታየው በያዘው ነገር ነው፡፡ የኛ ቡድን ቢያሸንፈም ምንም ነገር አነበረውም፡፡ ለአፍሪካ ዋንጫ ስናልፍ ምንም ነገር ስላልነበረን ሄደን ምንም ነገር ማሳየት አልቻልንም፡፡ ያለፍንበት ነገር አሳማኝና ቀጣይነት ስላልነበረው በውጤትም በእንቅስቃሴም የመጨረሻውን ደረጃ ይዘን ተመለስን፡፡ አሁን ለዓለም ዋንጫ የተደለደልንበት ምድም ቡድኖቹ ደካማ ናቸው፡፡ ከዚህ ደካማ ምድብ የተሻለ ደካማ ሆነን ምድቡን መርተናል፡፡ አሁን ለኛ የሚያስፈልገን በቀጣይነት ምን አይነት ቡድን መገንባት አለብን የሚለው ነው፡፡ ከአለም ዋንጫ የአፍሪካ ዋንጫ ደካማ ነው፡፡ በአፍሪካ ዋንጫ ብቃታችንን አይተነዋል፡፡ እኛ ምድብ አንድ  የሰሜን ወይም የምዕራብ አፍረካ ጠንካራ ቡድን (ከዚህ በፊት የሚጥሉን) ቢኖሩ እናልፋለን ብለን አንገምትም ነበር፡፡ አሁን ግን ለመሪነት ያበቃን የኛ ጥንካሬ ሳይሆን የምድቡ ደካማ መሆን ነው፡፡ የኛንማ ጥንካሬ አፍሪካ ዋንጫ ላይ አይተነዋል፡፡ ዛሬ በተደረገው ጨዋታ ደቡብ አፍሪካ በአጠቃላይ ነገር እንደበለጠን የታየ ነገር ነው፡፡ እኛ ጎል አስቆጠርን እንጂ ብልጫ የያዙት እነሱ ናቸው፡፡ የኛ ተጫዋቾች ኳስ ለመቀባበል ሞክረው ነበር ግን አልቻሉም፡፡ ያገኘነውን ለነሱ ነበር የምንሰጠው፡፡ ዛሬ አይታችሁ ከሆነ እነሱ ኳስ ሲይዙ አያያዛቸውና አካሄዳቸው  እኛ ጎል ጋር እንደሚደርሱ ያስታውቃሉ፡፡ እኛ ኳስ ስንይዝ ግን እነሱ ጎል ጋር ሳይሆን እነሱ ሜዳ ጋር መድረስ እንደማንችል ነበር ያሳየነው፡፡ በስታዲየም የነበረው ተመልካችም የተጨነቀው ደቡብ አፍሪካ ኳስ ይዞ ስለተጫነን ነው፡፡ የኛ ቡድን በባለጋራ ላይ ምንመ ብልጫ ሊወስድ የሚያስችለው ነገር አላየንም፡፡ አሁን ወደ ዋናው ነጥብ እንምጣ፡፡ የኛ ቡድን 10 ውስጥ ገባ፡፡ ማን እንደሚደርሰን እስካሁን አላወቅንም፡፡ አይቮሪኮስት፣ ግብፅ ወይም ጋና ሊደርሰን ይችላል፡፡ ግጥሚያው ደርሶ መልስ ነው፡፡ እነ ናይጄሪያ ቡርኪናፋሶ በገለልተኛ ሜዳ እንዴት እንዳደረጉን አይታችኋል፡፡ አሁን ደርሶ መልስ ነው የምንጫወተው፡፡ በሜዳችን በደካማው ደቡብ አፍሪካ እንዴት እንደሆንን አይታችኋል፡፡ አሁን ሌላ ሌላ ነገሩን እንተወውና  አይቮሪኮስት ወይም ጋና ጋር በንገናኝ ምንድነው ማድረግ ያለብን? እንዴት ነው መጫወት ያለብን ? በምንድነው እነሱን መብለጥ የምንችለው? እነሱስ በምንድነው የሚበልጡን? ከዚህ ተነስተን ስለ ለውጥ እናውራ፡፡ እኔ የሚገርመኝ የህዝቡ የኳስ ስሜትና ፍቅር እና የቡድኑ የወረደ አቋም አለመገናኘታቸው ነው፡፡ ለዚህ ህዝብ ተስፋ ያለውና አስተማማኝ ቡድን እንዲሰራለት እንመኛለን፡፡